Er ástæða til þess að börn kjósi?

Sambærileg tillaga hefur skotið upp kollinum nokkrum sinnum í það minnsta frá árinu 2007 (ég mann ekki hvort að svo hafi verið fyrr).

Ég hef bloggað um málið hér, hér og hér.

Mín skoðun á þessu máli hefur ekki breyst. Þó að finna megi ýmislegt sem mælir með kosningarétti fyrir 16 ára, vegur það þyngra í mínum huga að ekki er um að ræða sjálfráða einstaklinga.

Væri sjálfræðisaldur lækkaður samhliða væri kominn annar umræðugrundvöllur.

P.S. Í tillögunni frá 2007 (sem var eingöngu lögð fram af þingmönnum Vinstri grænna) var Kúba nefnd þar sem fyrirmynd.

Persónulega get ég ekki talið Kúbu til fyrirmynda á kosninga eða lýðræðissviðinu, en það fer vissulega eftir sjónarhólnum eins og svo margt annað.

Kosningaaldur lækki í 16 ár

Athugasemdir

[Klettur (IP-tala skráð) 22.9.2015 kl. 11:48]

Er þetta ekki eina leiðin fyrir vinstri flokkana að auka fylgi sitt, fá fleiri með rökhugsun barna til að kjósa?

[Halldór Egill Guðnason, 22.9.2015 kl. 13:55]

Átakanlegt hve oft er komið fram með tillögur í hérlendri pólitík, sem eru svo illa ígrundaðar, að þær kolfalla um sjálfar sig. Vita tillögumenn og konur ekki að átján ára verður hver sjálfráða hér á landi? Nokkuð sem allir eiga að vita, sem komnir eru til vits og ára. Flumbrugangurinn og populismatilburðirnir virðast engin takmörk hafa. 

Góðar stundir, með kveðju að sunnan.

[Sigurður K Hjaltested (IP-tala skráð) 22.9.2015 kl. 16:58]

Hefur ekkert með að efla áhuga á kosningum. Við vitum að unga kynslóðin er meira vinstri-þenkjandi, þannig að þetta er eini möguleikin fyrir þetta vinstra-samfó lið til að ná sér í atkvæði áður en þau þurkast út.