Velkomin á 21. öldina

Það er ástæða til að minnast á og fagna þessu frumvarpi.  Það er auðvitað löngu tímabært að afnema óþarfa hömlu á tjáningarfrelsi.

Það er engin ástæða til að fangelsa fólk fyrir að tala illa um trúarbrögð, gera grín að þeim eða leggja nafn einhvers guðs við hégóma.

Sjálfsagt munu einhverjir telja að Alþingi hafi mikilvægari hnöppum að hneppa.

Það má auðvitað til sanns vegar færa.  En það hefur líka hneppt mörgum sem eru síðri.

Það er aldrei án tilgangs að leiðrétta óréttlát eða ósanngjörn lög.

Grín og hæðni að trúarbrögðum getur verið góð og skemmtileg, en líka smekklaus.

En það er óþarfi að smekkleysi varði við lög.

 

Vilja afnema bann við guðlasti

Athugasemdir

[Vilhjálmur Örn Vilhjálmsson, 9.1.2015 kl. 07:40]

Bíð eftir því að Birgitta birti myndir úr Hyllands-Posten af Múhameð Nú skaltu ekki fjarlægja þetta:

[Vilhjálmur Örn Vilhjálmsson, 9.1.2015 kl. 07:40]

Jyllands átti Þetta að vera! Vona að ég verði ekki drepinn fyrir það guðlastið.

[G. Tómas Gunnarsson, 9.1.2015 kl. 08:10]

@Vilhjálmur  Bestu þakkir fyir þetta.  Persónulega lít ég svo á að þetta snúist ekki um Birgittu eða Pírata.

Einfaldlega verið að leggja til að óþörf, óréttlát og hamlandi lög séu numin úr gildi eða breytt.

Skiptir mig engu máli hver leggur það fram.

Myndin af Múhameð er góð og fær að standa.

Það er engin ástæða til að æsa sig yfir svona.  Ég héld t.d. að Ásatrúarmenn hafi flestir ekki ekki æst sig yfir því að Marvel breytti Þór í stúlku, alla vegna hef ég ekki heyrt af neinum mótmælum.

Ég held að þeir hafi ekki einu sinni eflt seið gegn fyrirtækinu, hvað þá reist því níðstöng.

http://marvel.com/news/comics/22883/a_new_god_of_thunder_debuts_in_thor_this_october

[Pétur D. (IP-tala skráð) 9.1.2015 kl. 08:21]

Það er kominn tími til að afnema þessa óþurftarákvæði. Mér vitandi hefur þessu á Íslandi bara einu sinni verið beitt af heimsku, íslenzku yfirvöldunum, og það var fyrir allt annað!

En ég er handviss um að þingmenn VG greiði atkvæði á móti eða sitja hjá. Þeir vilja sennilega ekki styggja islömsku vinina sína.

[G. Tómas Gunnarsson, 9.1.2015 kl. 10:20]

@Pétur  Ég held að lagaákvæðinu hafi verið beitt oftar en einu sinni.

Spegillinn og forsvarsmaður hans voru dæmdir eftir ákvæðinu.  Ég veit ekki hvort að svo hafi verið um fleiri.

En Spaugstofan lenti í yfirheyrslum vegna "Páskaþáttarins" og ritstjóri DV lenti í yfirheyrslum vegna birtinga skopmynda af Múhameð.

Þó ekki hafi komið til sakfellinga í þeim tilfellum, sýnir það að ákvæðið er virkt.

Hvort að fleiri sakfellingar hafi átt sér stað veit ég ekki um, en það segir í sjálfu sér ekki mikið. Ég man ekki það langt aftur.

[Kristján G. Arngrímsson, 11.1.2015 kl. 18:41]

Sérann (Svavar Alfreð) er með skotheld rök:

http://www.mbl.is/frettir/innlent/2015/01/11/heimurinn_er_ekki_imagine/

[G. Tómas Gunnarsson, 11.1.2015 kl. 18:58]

 @Kristján Lagið er gott, en ég held að það myndi ekki ganga upp að ætla lifa eftir því.  En það vekur til umhugsunar sem getur verið ágætt.

Svavar veit gjarna hvað hann syngur (eða tónar) og ég gæti í sjálfu sér tekið undir flest sem þarna kemur fram.

En gyðingar í Frakklandi hafa þegar liðið fyrir þessi voðaverk.  Sem leiðir aftur hugann að Luther.  Og hve þeir sem ofsóttir eru sýna öðrum ofsóttum gjarna lítinn skilning.