Fréttir úr stjórnmálalífinu

Það er ekki hægt að neita því að það vekur nokkra undrun að nú lesi maður slúður úr Íslensku stjórnmálalífi á vefsíðum The Financial Times.  Sá þessa frétt hér á mbl.is og skondraði sem leið lá til FT.

Ég þekki ekki til prófessors Wade, eða hversu gjörla hann þekkir til Íslenskra stjórnmála, þó að einhverjar vísbendingar kunni að leynast í fréttinnu um hvaðan hann hefur heimildir sínar.

En vissulega má færa rök fyrir því að vaxandi pirrisngs gæti í stjórnarsamstarfinu, en það gæti þó reynst Fylkingunni tvíeggjað sverð, þó að nokkuð vel blási fyrir flokkinn í skoðanakönnunum þessar vikurnar.

Fyrst þarf að hafa í huga að þingrofsrétturinn er í höndum Geirs og það er alltaf spurning hvort að tækist að mynda ríkisstjórn án þess að rjúfa þurfi þing. Í þannig kringumstæðum sæi ég þó ekki aðra ríkisstjórn en D+B+F og það er vissulega erfitt fley að stýra.

Hvað þá niðustöðu að nú sé allt að kenna einkavæðingunni, ber ef til vill að hafa í huga hvernig rekstur var á bönkunum áður en til hennar koma.  Ekki mörgum árum áður hafði ríkissjóður þurft að leggja nokkra milljarða inn í Landsbankann, til að koma honum á réttan kjöl.  Þannig var stjórnviskan á meðan stjórnmálamennirnir réðu þar kúrsinum.

 

Rót vandans einkavæðing íslensku bankanna

Ó Kanada

Nú er þjóðhátíðardagur okkar Kanadabúa að kveldi kominn, fátt hefur þó verið um hátíðarhöld enda nota Kanadabúar daginn helst til þess að hafa það gott í sumarbústaðnum, nú eða halda partý heima fyrir, eða almennt bara að njóta hóglífis.

Hóglífið hefur reyndar alltaf átt ágætlega við fjölskylduna að Bjórá og var svo í dag sem marga aðra daga.

Hér hafa reyndar verið undanfarna daga Finnskir gestir.  Hjón sem bjuggu áður hér í Toronto en eru nú flutt aftur heim til Finnlands, nánar tiltekið til Turku.

Í dag var vömbin verðlaunuð aukalega þar sem um þjóðhátíðardag var að ræða, graflax, T-beinsteik, grillaður maís, og ferskir ávextir í eftirrétt.  Skolað niður með hæfilegu magni af hvítu og rauðu og ekki spillti örlítill hákon með kaffinu fyrir.

En annars hef ég haft í mörgu að snúast undanfarna daga og þá ekki síst að njóta góða veðursins sem nú hellist yfir okkur dag eftir dag.