Kristinn aftur genginn í Framsókn

Það er enginn lognmolla í pólítíkinni þessa dagana.

Flokkar renna saman, þingmenn skipta um flokka og mikið gengur á, það styttist enda til kosninga.

Nú berast þær fréttir að Kristinn H. Gunnarsson sé aftur gengin til liðs við Framsóknarflokkinn.  Eftir því sem ég heyri fer lítið fyrir fagnaðarlátunum hjá Framsóknarmönnum, en ég verð þó að viðurkenna að ég er ekki beintengdur í grasrótina þar.

En það verður fróðlegt að sjá hvernig móttökur Kristinn fær hjá Framsóknarmönnum, ef hann fer í prófkjör í NV.

Einhvern veginn hef ég ekki trú á því að þeir slátri alikálfi.

P.S. Fyrirsögnin er alltof skemmtilega tvíræð til að hægt væri að sleppa henni, þó að hún lykti af aulahúmor.

 

Athugasemdir

[Arinbjörn Kúld, 28.2.2009 kl. 05:42]

Þetta er flott fyrirsögn. Svo virðist sem Kristinn eigi erfitt með að ákveða sínar pólítísku hugsjónir.

[Finnur Bárðarson, 28.2.2009 kl. 16:10]

Sammála Kristni varðandi "aulahúmorin" :)

[Snæbjørn Bjornsson Birnir (IP-tala skráð) 28.2.2009 kl. 18:52]

Það er alveg magnað hvað menn gera á Íslandi til að komast á þing. Þeir eru verri en hórur sumir hverjir. Þetta þekkist hvergi annarsstaðar í slíkum mæli. Maður spyr sig hverskonar sjónarmið liggi að baki. Halda þessir menn að þeir séu ómissandi??? Þetta er hreinlega "tragikomisk"!!!