Meira en helmingur nýskráðra bíla í Noregi í mars eru rafmagnsknúnir

Þegar ég var að þvælast um netið, rakst ég á þessa athygliverðu frétt. 

Meira en helmingur af þeim bílum sem seldust í Noregi í mars voru rafmagnsbílar.  Mest munaði þar um gríðarlega sölu á Tesla model 3, en 5315 eintök voru seld í Noregi í mars.

29% af nýjum bílum í mánuðinum voru Tesla model 3, ótrúleg sala.  Rúmlega 58% af nýjum bílum voru rafmagnsbílar.

Noregur, þessi mikla olíuþjóð,  hefur tekið forystu sem rafmagnsbílaland. Á síðasta ári voru rúmlega 30% af nýjum bílum í Noregi rafmagnsbílar.

Óneitanlega vel af sér vikið.

 

 

Athugasemdir

[Gunnar Heiðarsson, 3.4.2019 kl. 10:52]

Það er ósköp eðlilegt að mikið seljist af Tesla model 3 bílum. Þeir sem vilja aka þeim bílum þurfa að kaupa a.m.k. tvo, annan til að nota meðan hinn er á verkstæði. Þessir bílar flokkast með Alfa Rómeó og Land Rover varðandi bilanatíðni, hjá erlendum bílablöðum. Lægra verður vart komist.

[G. Tómas Gunnarsson, 3.4.2019 kl. 12:26]

@Gunnar, þakka þér fyrir þetta. Hef aldrei keyrt Teslu, model 3 eða önnur. Hef vissulega séð eitthvað á netinu um kvartanir, ekki hvað síst um lakk og annað slíkt, og einhverjar eletrónískar raunir.

En eigendur model 3 virðast býsna hamingjusamir, en model 3 toppar þennan lista: https://www.consumerreports.org/car-reliability-owner-satisfaction/10-most-satisfying-cars-owner-satisfaction/ Þannig að eitthvað eru skiptar skoðanir á þessu eins og mörgu öðru, en vissulega hef ég séð misjafnar sögur.

[Hörður Þormar (IP-tala skráð) 3.4.2019 kl. 14:32]

Framleiðsla á bensín- og díselknúnum fólksbílum mun hætta eftir 5 - 10 ár.

[G. Tómas Gunnarsson, 5.4.2019 kl. 01:35]

@Hörður, þakka þér fyrir þetta.  Ég veit ekki hvort að það nát á 5 til 10 árum, en klukkan er byrjuð að telja niður.

Perónluega, þó ég hafi nú ekki mikið vit á þessu, held ég að framleiðslan muni skiptast í tvennt.

Rafmagnsbíla og vetnisbíla.

Báðar leiðirnar hafa mikið til síns ágætis.  Rafmagnsbílar þurfa ekki umfangsmikið dreifikerfi, þar sem orkugjafinn er allt í kringum okkur, leiddur í hvert hús, sem er ótrúlegur kostur.

Vetnið kann að aftur að vera betri kostur fyrir stærri bíla og þá sem ferðast lengra.

En þetta er þörf breyting.