Ekkert hryðjuverk framið

Ég verð að viðurkenna að mér hefur þótt það undarlegt að sjá það hér og þar á netinu að þessi sorglegi atburður í Ölpunum, sé talinn hryðjuverk, og sjá mátt hefur rifrildi um hvort að flugmaðurinn hafi snúist til Islam eður ei, og hvort í framhaldi af því voðaverkið sé flokkað sem hryðjuverk framið af múslima eða kristnum einstaklingi.

Persónulega lít ég ekki svo á að neitt hryðjuverk hafi verið framið.

Það er einfaldlega ekkert "pólítískt manifesto" til staðar, eða nokkuð sem bendir til þess að pólítískur ásetningur hafi búið að baki þessa sorglega atviks.  Alla vegna ekki svo að ég hafi séð.

En það er einmitt einn af grunnþáttum þess að eitthvað geti talist hryðjuverk.

En það er sjálfsagt fyrir okkur að velta því fyrir okkur hvernig þetta gat gerst, og hvaða leiðir geti verið færar til úrbóta?

En hryðjuverk hafa ekkert með þennan atburð að gera, alla vegna ef marka má fréttir og trúarbrögð ekki heldur.

Auðvitað má teigja og toga skilgreiningu á "terrorisma", en ég get þó í fljótu bragði ekki séð að þessi sorglegi atburður eigi heima þar undir.

 

„Opnaðu fjárans dyrnar!“

Athugasemdir

[Margret S (IP-tala skráð) 29.3.2015 kl. 14:11]

Það kom strax fram í fyrstu fréttum af atburðinum, þessu hræðilega flugslysi, að ekki væri talið að um hryðjuverk væri að ræða. Þetta er verknaður eins snarbilaðs manns sem vildi taka fullt af fólki með sér í dauðann. Hryllingur.

[G. Tómas Gunnarsson, 29.3.2015 kl. 14:16]

@Margret S Þakka þér fyrir þetta. Slíkur hefur minn skilningur á þessu sorglega atviki verið. Þess vegna hefur mér þótt það verulega undarlegt að sjá það hér og þar um netið að margir vilji tala um það sem hryðjuverk. Enn frekar að sjá rifist um hvaða trúarbrögð maðurinn hafi aðhyllst.

[alfreð (IP-tala skráð) 29.3.2015 kl. 14:34]

Þetta er hvorki hryðjuverk né flugslys heldur fjöldamorð framið af geðsjúkum manni í boði flugfélagsins sem á og rekur þotuna,atvinnurekendum morðingjanns,,það er eitthvað verulega mikið að hjá flugfélagi sem er með geðsjúkling í að stjórna þotu fullri af farþegum án þess að hafa hugmynd um það að hann sé sjúkur,,,

[Ómar Bjarki Kristjánsson, 29.3.2015 kl. 15:07]

Hefur samt öll einkenni hryðjuverks.

Menn geta náttúrulega tengt voðaverk sín við hitt eða þetta, - en í grunninn er verknaðurinn ávalt sá sami.  Þetta er í raun svipað og ganga inná veitingahús með sprengjubelti.

[G. Tómas Gunnarsson, 29.3.2015 kl. 15:47]

@alfreð Þakka þér fyrir þetta. Ég er sammála því að um hvorki hryðjuverk eða "venjulegt" flugslys sé að ræða. Ég hugsa að þetta leiði til nýrrar hugsunar um samband fyrirtækja, launþega og lækna, og ekki bara í fluggeiranum. Það væri alla vegna ekki óeðlilegt að mínu mati.

@Ómar Þakka þér fyrir innleggið. Ég sé í sjálfu sér ekkert einkenni hryðjuverks, nema það að stór hópur saklausra lætur lífið fyrir hendi einstaklings eða fámenns hóps.

Í sjálfu sér á engin undirbúningur sér stað, heldur tækifærið gripið. Engin "stuðningshópur" er til staðar, ekkert "baráttumál", engin kröfugerð, o.s.frv.

Auðvitað er skilgreining á hryðjuverki ekki "negld niður" og vissulega má deila um hana, en ég sé ekki að hryðjuverk hafi verið framið.

Því miður hefur fjöldi einstaklinga myrt stóra hópa einstaklinga, af einu og öðru, eða jafnvel engu tilefni, en ég sé ekki að það falli undir skilgreininguna á hryðjuverkum.

Hvað þá að það gefi tilefni til þess að rífast um hvers trúar viðkomandi ódæðismaður hafi verið.

[Jón Steinar Ragnarsson, 29.3.2015 kl. 16:24]

Skilgreiningin á hryðjuverki er voðaverk sem framið er til að slá ótta og skelfingu í huga almennings, oftast í þágu einhvers málstaðar.

Þett hefur vissulega slegið fólk óhug, en markmiðin voru algerlega sjálfmiðuð hjá veikum einstaklingi. Svona atburð má raunar flokka undir tölfræði eða líkindareikning. Það má alltaf gera ráð fyrir að aðstæður og atburðir raðist þannig upp að útkoman verður skelfileg.

Ég er sammála því að þetta flokkist einfaldlega sem fjöldamorð og sjálfsmorð. Ég efast um að maður í þessu ástandi hafi yfirleytt gert sér grein fyrir samhenginu né tengt við allt það saklausa fólk sem varð fyrir þessu. Ekkert komst fyrir í höfði hans en hann sjálfur. Egocide væri kannski rétta orðið.

[Ómar Ragnarsson, 29.3.2015 kl. 16:37]

Merking erlenda orðsins terrorism er skýr og það orð á augljóslega ekki við um þetta slys og orsök þess. 

[Ragnhildur Kolka, 29.3.2015 kl. 18:24]

Maðurinn var veikur á geði og úrskurður læknis um að sjón hans væri að daprast og þar með möguleikar hans til að láta draum sinn rætast hafa gert útslagið. Hann hafði lengi átt sér draum um að verða flugmaður og þarna varð hann að engu. Ég tek undir með Jóni Steinari og Ómari og pistlahöfundi að þetta var ekki hryðjuverk.

Egocide er ágætt orð til að lýsa atburðinum og við eigum eftir að sjá meira af slíku í framtíðinni vegna egocentrismans sem veður uppi nú um stundir.

[Ómar Bjarki Kristjánsson, 29.3.2015 kl. 18:31]

Já já, skilgreining á terrorisma er með þessum eða hnum hætti, - en verknaðurinn sem slíkur í grunninn ber alveg sömu einkenni og hryðjuverk, - nema það er ekki tenging eða yfirlýsing gagnvart einhverjum ákveðnum málstað.

Andlit L. er þessa daganna alveg jafn mikil táknmynd terrors í huga fólks og grímuklæddir ISIS liðar.

Afhverju halda menn að svo margir vilji tengja L. við muslima?  Er það etv. vegna þess að svo óþægilegt er að sjá slíkt ,,frá okkur"?   Að svona voðaverk eða fjöldamorð geti komið ,,frá okkur"?

[Hörður Þórðarson, 29.3.2015 kl. 19:41]

Alveg samála, Tómas. Ég vill reyndar meina að sá eða þeir sem hönnuðu dyr á flugstjórnarklefa þannig að hægt er að læsa flugmanninn úti séu líka veikir á geði.

[G. Tómas Gunnarsson, 30.3.2015 kl. 06:10]

@Jón Steinar Þakka þér fyrir þetta. Þetta atvik vekur vissulega óhug, en veldur að ég tel ekki skelfingu. Það ræður e.t.v. mestu að þegar engin hreyfing, eða samtök er um að ræða, þá finnur fólk síður fyrir þeim ótta að fleiri svipaðir atburðir eigi sér stað.

Egocide er líklega nokkuð lýsandi orð, sem á við atburð sem þennan.

@Ómar Þakka þér fyrir þetta. Skilgreiningar í hryðjuverkum, eru eins og á svo mörgu öðru, dulítíð á reiki, en ég get ekki séð að þetta eigi að flokkast þar undir.

@Ómar Bjarki Þakka þér fyrir. Ef ég á einhvern hátt næ að kveikja í bensínstöð, þannig að hún springi og brenni, og ég læt lífið við verknaðinn, ber það með ýmsum hætti einkenni hryðjuverks.

En ég held að að frekari "einkenna" væri ástæðulaust að flokka það sem slíkt. Hvað þá að velta því fyrir sér hvort ég væri trúaður eður ei, hvað þá á velta því fyrir sér hvort að betur þurfi að fylgjast með trúleysingjum, eftir að rannsóknaraðilar væru búnir að lesa bloggið mitt.

Það eru margir með annarlegar ástæður til að vilja tengja verknað sem þennan við hryðjuverk og/eða trúarbrögð. Sumir vegna þess að þeim er mikið í mun að sýna fram á ógn frá múslimum og aðrir vegna þess að þeir vilja fyrir alla muni sýna fram á að kristnir fremji líka hryðjuverk.

Báðir hafa rétt fyrir sér að vissu marki, en það tengjist þessum atburði að mínu mati ekki neitt.

@Hörður  Þakka þér þetta. Það er ákveðið vandamál að hanna flugstjórnarklefa hurðir, þannig að ekki sé hægt að brjótast inn í þá, ekki hægt að neyða flugstjóra (eða aðra áhafnarmeðlimi) til að gefa upp "neyðarkóda", en samt að tryggja öruggan aðgang fyrir í neyðartilvikum.

Það má til dæmis velta því fyrir sér hvort að flugmaðurinn í þessu tilfelli hefði átt í vandræðum með að hindra flugfreyju í því að opna hurðina?

Annað dæmi sem vert væri að velta fyrir sér, væri hvernig umræðan hefði verið, ef flugstjórinn hefði farið að salerni. Þegar hann væri á leið inn í flugklefann aftur, hefði flugræningi náð honum á sitt vald og neytt hann til að opna klefann með "neyðarkóda".  síðan hefði flugræninginn skotið flugmenninga báða og tortímt vélinni.

Ef til vill þurfum við 3. flugstjóra, eða að flugvélar verða að hafa sér salerni í flugstjórnarklefanum?

Það má lengi velta fyrir sér alls kyns "uppákomum".

En í sjálfu sér aldrei hægt að fyrirbyggja "mannlega þáttinn" og við verðum að hafa í huga að það tekur ekki langan tíma að "steypa" flugvél.

[G. Tómas Gunnarsson, 30.3.2015 kl. 06:12]

@Ragnhildur Ég gleymdi að þakka þér fyrir innleggið. Það er erfitt að segja hvað gerist nákvæmlega og að reyna að "pússla" saman því sem gerist í huga slíks einstaklings er ómögulegt og allta að stærstum hluta getgátur.

En það er stór spurning hvernig sambandi einstaklings, fyrirtækis og læknis, eða lækna eigi að vera hagað.

[Helgi Armannsson (IP-tala skráð) 30.3.2015 kl. 08:57]

Ég sel þetta ekki dýrara en ég keypti það

http://www.whatdoesitmean.com/index1855.htm

en ég trúi ekki einu orði sem kemur úr fjölmiðlum er löngu hættur því

[Robot Zombie (IP-tala skráð) 30.3.2015 kl. 22:29]

Hryðjuverk er auðvirðilegasta form hópsálarhegðunar, heilaþveginn sauður og raggeit, ekki mennskur á nokkurn hátt, selur sína eigin skynsemi og vilja einhverjum málstað og deyr fyrir hann sem auðvirðileg leikbrúða og ekki neitt. Harmleikur einstaklings, hversu brjálaður sem hann er, er mikið virðingarverðari. Sauðir eru ekki menn. 

[Robot Zombie (IP-tala skráð) 30.3.2015 kl. 22:31]

Takið eftir hverjir það eru sem vilja endilega halda því fram þetta hafi verið hryðjuverk, hverjir það eru sem neita að sjá muninn á þessum sorglega harmleik og hryðjuverkum? Já, það eru sauðirnir. Með samúð sinni með öðrum sauðum koma þeir upp um hvað þeir eru. Robot Zombie, en ekki maður.

[Robot Zombie (IP-tala skráð) 30.3.2015 kl. 22:34]

Greinið ennfremur orðræðu þeirra. Þeir nota orð sem hóphyggjumenn nota ævinlega, sama af hvaða auðvirðilega sauðahúsi þeir teljast, eins og "okkur" eða "þeir. Einstaklingur tilheyrir engum hóp og gerir ekki mannamun eftir ímynduðum hópum. Hann tekur því ekki til sín slíka eitraða orðræðu sem lýsir sjúkum hugmyndaheimi þeirra sem tala um "okkur". Sauður er sauður hvort sem hann heitir Muhammad eða Guðmundur. Maður er maður hvort sem hann heitir Ali eða Jón. Sauðir hafa samúð með sauðum og vilja ímynda sér að menn séu sauðir líka. Menn fyrirlíta sauði og sjá í gegnum þá. 

[Robot Zombie (IP-tala skráð) 30.3.2015 kl. 22:40]

"Maður" drepur mann fyrir Islam/kommúnisma/sósíalisma/Kristindóm/Íhaldsflokkinn = Sauður. Dauði sauðs er ekki sorglegur. Það er samt sorglegt þegar sauðir drepa menn.

Maður á við efnaskiptavandamál að glíma og hefur misst vitið. Eigin geðflækjur valda því að hann fremur morð. = Það er ljótt að drepa, en það er samt harmleikur þegar maður deyr. 

[Robot Zombie (IP-tala skráð) 30.3.2015 kl. 22:43]

Sorglegt að reka sig á takmarkanir tungumálsins. Það er mikil og óréttlátanleg, ranglát mógðun að bera virðingarverðar rollur saman við fyrirlitlega mennska sauði, en tungumál okkar skortir orð nógu ljót til að lýsa því fyrirlitlega fyrirbæri sem sauðir, af öllum sauðahúsum, undantekningalaust, eru.