Er ekki rétt að fagna þessu?

Jú, það held ég.  Það er mikið betra að meint kosningasvik séu kærð, heldur en að látið sé nægja að skrifa blaðagreinar og hafa það í umræðunni, en aðhafast ekki frekar.

Þetta er því betra fyrir alla aðila.  Málið verður leitt til lykta og enginn ætti að þurfa að vefjast um sannleikinn, hann kemur þá í ljós.

Þó að smalamennska í kosningum sé líklega eins gömul og kosningar, og ekkert út á hana að setja,  þá á það ekki að líðast að fé sé borið á kjósendur með skipulegum hætti.  Ef slíkt hefur átt sér stað verður að stöðva slíkt athæfi og refsa þeim sem ábyrgð bera.

Persónulega hef ég ekki trú á því að þessar sögusagnir séu sannar, en auðvitað hef ég litlar forsendur til að fara eftir, eingöngu það sem ég hef séð í fjölmiðlum og heyrt frá kunningjum.  Ef til vill er ég of trúaður á heiðarleikann?

En það verður fróðlegt að fylgjast með þessu máli, og ég velti því fyrir mér, hvað gerist ef yfirvöld finna maðk í mysunni?  Hver eru viðurlögin, hvað er gert?

Þjóðarhreyfingin kærir kosningarnar í Reykjavík