Athyglisverð orkunýting

Varmadælur eru stórmerkileg og orkusparandi fyrirbæri. Það er enginn vafi að því að þær geta nýst vel á "köldum" svæðum á Íslandi og sparað raforku og notendum kostnað.

Varmadælur eru í notkun á svæðum þar sem mun kaldara er en á Íslandi, s.s. í Kanada, Bandaríkjunum, Finnlandi, Svíþjóð og Eistlandi, svo einhver dæmi séu nefnd.

Með því að leggja aukna áherslu á varmadælur má án efa bæta kjör og lífsgæði margra þeirra sem búa á svokölluðum köldum svæðum á Íslandi.

Jafnframt má útrýma þörfinni fyrir niðurgreiðslur á húshitunarkostnaði, því þeim peningum er betur varið til að styrkja uppsetningu á varmadælum.

 

Varma dælt úr sjónum

Athugasemdir

[Gunnar Heiðarsson, 11.12.2014 kl. 18:21]

 Varmaskiptar eru vissulega stórmerkilegir og enginn vafi að þeir spara fólki kaup á raforku. Vandinn er bara sá að stofnkostnaðurinn er svo hár að einungis þeir sem ekki finna svo mikið fyrir háum rafmagnsreikningum hafa getu til að sækja sér þá lækkun þeirra.

[G. Tómas Gunnarsson, 12.12.2014 kl. 05:07]

Ég þekki ekki útreikninga fyrir Ísland. Víða annars staðar er talað um að varmadælur/skiptar borgi sig upp á 8 til 10 árum.

En vissulega er það all nokkur fjárhæð.

En það sem ég var að benda á í upphaflegu færslunni, ef farið væri að kynna kosti varmadæla/skipta og jafnframt boðin mjög hagstæð lán, eða styrkir, væri hægt að draga verulega úr þörf fyrir niðurgreiðslu til húshitunar á köldum svæðum.

Lokaskrefið gæti svo verið að niðurgreiðslum væri hættt, en fyrirgreiðsla til uppsetningar á varmadælu stæði eftir.

Nú hef ég ekki kynnt mér þetta mál, ef til vill er eitthvað svipað í gangi á Íslandi, það væri óskandi.