Af hinu meinta frjálslyndi

Það eru alltaf allir að tala um frjálslyndi.  Allir virðast vera svo mikið frjálslyndari en pólítískir andstæðingar þeirra.

 

Vissulega er frjálslyndi afar teygjanlegt hugtak.  Margir virðast telja að það feli í sér að umbera allt sem þeim að skapi.  Aðrir virðast helst telja að það feli í sér að banna mest og flest, með "umhyggju" fyrir öðrum að leiðarljósi.

 

Á undanförnum árum hefur mikið verið rætt um að frjálslynt fólk sé að yfirgefa flokka.  Á tímabili var til dæmis mikið rætt um að frjálslynt fólk væri að yfirgefa Framsóknarflokkinn.  Nú talar Þorgerður Katrín um að frjálslynt fólk sé að yfirgefa Sjálfstæðiflokkinn.

 

Hverjir eru allt þetta frjálslynda fólk og hvert hefur það og er að fara?

 

Í síðustu kosningum voru tveir áberandi stærstu flokkarnir Sjálfstæðisflokkur og Framsóknarflokkur. Reyndar virtist all mikið fylgi "fljóta" á milli þeirra, þó að erfitt sé að fullyrða um slíkt.

 

Er þá Þorgerður Katrín að tala um að frjálslynt fólk hafi yfirgefið Sjálfstæðisflokkinn og kosið Framsókn?

 

Annað sem virðist færast í vöxt er að tala um alla andstæðinga sína sem "harðlínumenn", "öfgafólk", "frekjupunga", nú eða "svartstakka".

 

Líklega þykir þeim sem svo tala það bera vott um mikið umburðar og frjálslyndi.  Því sjálft er það svo "afskaplega frjálslynt".

 

Þegar betur er að gáð, virðist þó hið meinta frjálslyndi eingöngu snúast um að vilja ganga í "Sambandið".  Það víðfeðma musteri meints frjálslyndis og lýðræðis. 

 

Persónulega finnst mér þeir sem svo tala ekki sýna mikinn pólítískan "talent".  Ég myndi ekki "hleypa þeim áfram". 

 

En þar ræð ég ekki, þar ráða flokksmenn og kjósendur.

Frjálslynda fólkið að yfirgefa flokkinn

Athugasemdir

[Jón Logi (IP-tala skráð) 3.3.2014 kl. 10:38]

Í hvenig litum stakki er þá Þorgerður? Brúnstakki? Rauðstakki? Held ekki að hún dressist harðlínulitnum laufgræna

[G. Tómas Gunnarsson, 3.3.2014 kl. 11:08]

Ég veit ekki hvað segja skal um klæðaburð Þorgerðar Katrínar. Á pólítísku líkindamáli myndi ég þó segja að hún standi nú eftir "berstrípuð".

Ég man reyndar ekki eftir Þorgerði Katrínu sem sérstökum baráttumanni frelsis og frjálslyndis á Alþingi, en það er önnur saga og þar spilar líklega inn í mitt eigið sjónarhorn til skilgreingar á þeim.

[Ásthildur Cesil Þórðardóttir, 3.3.2014 kl. 13:09]

Hún sagði sem menntamálaráðherra þegar verið var að fjalla um aðfinnslur manna um væntanlegt hrun, að þeir (sérfræðingarnir) ættu að fara í endurhæfingu.

[Ásthildur Cesil Þórðardóttir, 3.3.2014 kl. 13:09]

Áhyggjur átti þetta að vera.