Ögmundur búinn að taka "þotuliðið" í sátt?

Ummæli Ögmundar Jónassonar um íslenska banka og "silkifataliðið" sem þar vinnur vöktu að vonum nokkra athygli, og var fjallaðum þau í fréttum og í blogheimum.  Sjálfur bloggaði ég til dæmis um þau hér.

Nú nýverið barst mér hins vegar ábending um að öll ummæli í þessa veru séu horfin og eftir standi "lesendabréfið" eitt.  Ögmundur virðist því hafa breytt heimasíðunni sinni og fjarlægt ummælin.

En skyldi hann vera búinn að taka "þotuliðið" í sátt?

 P.S.  Í tölvupóstinum sem mér barst um þetta mál er jafnframt minnst á þá athygli sem það vakti þegar Björn Bjarna breytti atriðum á sinni heimasíðu.   Verður svipað upp á teningnum nú?

Athugasemdir

[Þórir Hrafn Gunnarsson, 7.11.2006 kl. 16:40]

http://www.ogmundur.is/news.asp?id=655&news_ID=2896&type=one

Er þetta ekki ennþá þarna? Eða var hann búnn að segja eitthvað annað?

Kveðjur :)

[G. Tómas Gunnarsson, 7.11.2006 kl. 17:05]

Ég þakka þessa ábendingu.  Vissulega er þetta enn að finna á heimasíðu Ögmundar.  En ég fékk þessa ábendingu í morgunsárið og gat ekki séð þetta, en það hafa bersýnilega verið mistök mín.

Það er mér því bæði ljúft og skylt að biðjast afsökunar á þessum mistökum, það virðist svo vera að mér hafi skriplast þarna nokkuð harkalega að skötu, Ögmundur er bersýnilega enn þeirrar skoðunar að fórna megi bönkunum fyrir jöfnuðinn.