Skrílslæti á Gas(a) svæðinu

Ég var að horfa á netfréttir hjá Íslensku sjónvarpsstöðvunum af óeirðum sem brutust út á Íslenska Gas(a) svæðinu a.k.a. Suðurlandsvegi.

Ég ætla ekki að dæma um aðgerðir lögreglunnar, enda ekki fær um það með því einu að horfa á fréttir.  Það er allt annað að horfa á skjáinn eða vera á svæðinu.

En það er ljóst að löggæsla fer ekki endalaust fram með því að gefa mönnum í nefið.  Ofbeldi vörubílstjóra gegn samborgurum sínum hefur verið látið viðgangast of lengi, það hlaut að koma að því að lögreglan gerði það sem henni er ætlað, héldi uppi lögum.

Árás á lögreglu með grjótkasti eru síðan staðreynd, en hana er ekki hægt að skrifa á vörubílstjóra. 

En hitt er þó ljóst að það þarf ekki neinum að koma á óvart að skrilslæti dragi að sér skríl.

Athugasemdir

[Hundshausinn, 23.4.2008 kl. 22:25]

"Skrílslæti draga að sér skríl" - vel mælt og orð að sönnu.

[Rúnar Haukur Ingimarsson, 23.4.2008 kl. 22:57]

Jamm alltaf eitthvað um "vitleysinga" sem dragast að svona uppákomum. Hins vegar verður ekki hort framhjá því að lögreglan klikkaði og fór þarna yfirum ef eitthvað er að marka fréttamyndir sem syndar voru á stjónvarpsstöðvunum.

[G. Tómas Gunnarsson, 24.4.2008 kl. 11:59]

Ég myndi segja að það sé langt síðan vörubílstjórar "klikuðust", eða ætti frekar að segja "sturluðust" í þeirra tilviki?

Ofbeldi þeirra á hendur samborgurum sínum getur ekki verið látiði átölulaust endalaust.  Lögreglan hefur þann starfa með höndum að halda uppi lögum.

Vil bæta því við að hafi stjórnvöld hugsað um að gera eitthvað til að koma til móts við vörubílstjóra (sem ég tel reyndar að þau ættu ekki að gera) þá held ég að þeim sé það ómögulegt nú.

Stjórnvöld geta ekki sent þau skilaboð út í samfélagið að þau lúffi fyrir ofbeldi sem þessu.

[Sigrún Jóna (IP-tala skráð) 24.4.2008 kl. 16:29]

Fréttir eru bara það sem mest karssandi er hverju sinni. Svo er ekkert samband á milli "skota" hjá þeim.

En þarna sést að stutt er í skilsæðið og múgsefjunina, hjá okkar "friðsælu og friðelskandi" þjóð!!!