Katrínu lyft á stallinn

Ég held að það sé enginn vafi á því að Katrín Jakobsdóttir er með vinsælustu stjórnmálamönnum á Ísland undanfarin ár, ef ekki sá allra vinsælasti.  En mér þykir henni þó gert full auðvelt fyrir í þeirri könnun sem vitnað er til hér.

Hvort að þeir þrír valkostir sem boðið er upp á eiga að endurspegla vinstri, hægri og miðju Íslenskra stjórnmála veit ég ekki, en það þarf ekki að koma neinum á óvart að Katrín njóti stuðnings fylgismanna annara vinstriflokka.

Hefðu aðrir foringjar stjórnmálaflokka verið með í könnuninni, þykir mér næsta víst að útkoman hefði verið önnur, enda þykir flestum "sinn fugl fagur" í stjórnmálum sem annars staðar.

Það má enda segja að Bjarni og Sigurður séu með áþekkan í stuðning í könnuninni og flokkar þeirra njóti.

Þykir mér því líklegt að hið sama myndi gilda um aðra stjórnmálaforingja.

Það breytir því ekki að ef úrslit komandi kosninga verða í svipuðum stíl og skoðanakannanir eru nú, getur fátt komið í veg fyrir að Vinstristjórn verði mynduð og þá næsta víst undir forsæti Katrínar Jakobsdóttur.

Það eina sem getur komið í veg fyrir það er að Sjálfstæðisflokkurinn styrki stöðu sína og það verulega.

 

 

Katrín nýtur stuðnings flestra

Athugasemdir

[Jón Steinar Ragnarsson, 25.9.2017 kl. 14:11]

Fólk áttar sig illa á því að Katrín er handbrúða Steingríms. Flokkur sem aldrei tekur afstöðu né frumkvæði gerir náttúrlega aldrei mistök. Þessi passíva afstaða er helsti grunnur meintra vinsælda og ótrúlega lélegs skammtímaminnis kjósenda.

Sá sem aldre gerir neitt, gerir ekki mistök. Það er undirliggjandi stefna flokksins.

[Jón Valur Jensson, 26.9.2017 kl. 07:02]

Steingrímur var ekki aðeins hennar "backseat driver", heldur fylgdi hún í einu og öllu hans leiðsögn í verstu málum: Icesave og ESB! 

Og vilja menn að hún gefi Steingrími lyklana aftur að fjármálaráðuneytinu?

[G. Tómas Gunnarsson, 26.9.2017 kl. 09:55]

@Jón Steinar Þakka þér fyrir þetta. Ég er nú ekki reiðubúin að ganga svo langt að kalla Katríunu "handbrúðu" Steingríms.  En margir vilja meina að hún eigi stöðu sína undir Steingrími, sem ég hallast nokkuð að.

Því ef til vill er Steingrímur sem "the grand old man" eitt af því fáa sem heldur VG saman.  Er hann ekki tengingin sem heldur "framsóknarkommunum" á landsbyggðinni og "hipsterunum í 101"?

Nú þegar eru sprungur í flokknum og sést ef til vill hvað best hvað varðar afstöðuna til laxeldis á Vestfjörðum.

En þegar "flokkseigandinn", Steingrímur, stígur til hliðar er erfitt að sjá að Katrín nái ein og sér að vera "límið" sem heldur flokknum saman.

En það er líka rétt að mistök og svik loða misvel við þá sem slíkt framkvæma.  Og "teflonið" hjá Kötu er þykkt og endingargott. Hún virtist ekki eiga í neinum vandræðum með að samþykkja "IceSave", án þess að Alþingi ætti að svo mikið sem að skoða samningin og svik hennar í ESB málinu og allar aðrar gjörðir þeirrar ríkisstjórnarinnar loða ekki við hana, enda er hún geðþekk og brosir fallega.

En þar spilar líka inn í framganga fjölmiðla.

@Jón Valur Þakka þér fyrir þetta. Ég læt nægja að vísa í svar mitt við athugasemdinni hér á undan.

[Jón Valur Jensson, 26.9.2017 kl. 12:29]

Takk, sjálfur, Tómas. Em hér kemur niðurstaðan í fyrstu könnun um fylgi við það að Steingrímur J. komist aftur í sinn gamla stól í fjármála-ráðuneytinu: Afgerandi niðurstöður um val næsta fjármálaráðherra!