Hver er munurinn á trúfélögum og öðrum félögum?

Að sjálfsögðu eiga trúfélög ekki að njóta sérréttinda á Íslandi, frekar en nokkur staðar.

Þau ættu að greiða fyrir lóðir, greiða fasteignagjöld, og standa skil á öðrum þeim sköttum og skyldum sem á eru lögð og greidd eru af öðrum félagasamtökum.

Vissulega er það svo að stærstur hluti Íslendinga aðhyllist kristna trú, alla vegna á pappírum.  Stærstur hluti þeirra tilheyrir þjóðkirkjunni.  En það þýðir ekki að í krafti meirihlutavalds, eigi slík félagasamtök rétt á fram yfir félög með færri meðlimi.

Sömuleiðis er það í mínum huga rangt að félagasamtök sem snúast um trúmál, eigi að njóta meiri fyrirgreiðslu eða réttinda, en félagsskapur sem snýst um frímerkjasöfnun, mótorhjól, bíla, eða matarást.

Það er löngu tímabært að skilja á milli hins opinbera og trúmála.  

Þeir sem ekki kjósa að tilheyra trúfélögum, eiga ekki að bera af þeim kostnað.

 

 

 

Flestir andvígir ókeypis lóðum til trúfélaga

Athugasemdir

[Jón Þórhallsson, 9.10.2014 kl. 08:46]

Trúfélög geta verið eins misjöfn og þau eru mörg.

Þjóðkirkjan hefur það t.d. sem leiðarljós að hjálpa minnimáttar og boða góða siði.

Á sama tíma og félög eins og samtökin 78 boða kynvillu og fíflalæti.

[G. Tómas Gunnarsson, 9.10.2014 kl. 10:17]

Munirinn félst líklega aðallega í sjónarhólnum, rétt eins og mér finnst koma fram í þessari athugasemd.

Og þó að einhver boði "góða siði", er það trauðla réttlæting á því að skylda sveitarfélög til að gefa þeim ókeypis lóðir.

[Jón Valur Jensson, 9.10.2014 kl. 16:47]

Þú skrifar þetta trúlega eins og sjálfum þér samkvæmur frjálshyggjumaður.

En hvað segirðu þá um það athæfi að ausa fjármunum í félagið Samtökin 78 og önnur félög og verkefni samkynhneigðra -- mörgum tugum milljóna. Að meðtalinni fasteign sem þeim var beinlínis GEFIN (af Reykjavíkurborg) neðst á Laugavegi hefur stuðningurinn sennilega farið yfir 100 milljónir króna.

[G. Tómas Gunnarsson, 9.10.2014 kl. 16:54]

Það eiga engin samtök rétt á því að mínu mati að sækja í sameiginlega sjóði borgaranna.

Vissulega er það rétt að pólítíkusum og öðrum kusum þykir fátt skemmtilegra en að útdeila almannafé.

Það gerir það ekki réttmætt.

Ég greiði ekki skatta á Íslandi þessi árin, en gerði það vissulega í "den".  Ég hef engan áhuga á því að standa undir rekstri kirkna, íþróttafélaga, Kiwanis, Lions, Samtakanna 78, eða annara félagasamtaka.

[Skeggi Skaftason, 12.10.2014 kl. 09:49]

Samtökin fá ekki SJÁLFKRAFA peninga frá ríkinu, líkt og skráð trúfélög.

[Jón Valur Jensson, 12.10.2014 kl. 13:38]

Það býttar engu, Gervi-Brahms, þetta er svo sáralítið félag og tillagið því hlutfallslega mjög mikið.