Vinstri græn staðfesta sig sem Evrópusambandsflokk

Staðan skýrðist á landsfungi Vinstri grænna hvað varðar aðild að "Sambandinu".   Auðvitað hafa Vinstri græn unnið leynt og ljóst á núverandi kjörtímabili, að því að Ísland gangi í Evrópusambandið.

Það er því eðlilegt að flokkurinn staðfesti þá stefnu sína á landsfundi sínum.

Það er að vísu mjótt á mununum, en það er ljóst að Vinstri græn hafa það nú ótvírætt á stefnuskrá sinni að ganga í "Sambandið".

Það sækir að sjálfsögðu engin um aðild, án þess að vilja inn.

Að vera "viðræðusinni" er eitthvað "skrípó" sem "Sambandssinnar" reyna að fela sig á bakvið.

Unir niðurstöðunni um ESB

Athugasemdir

[Pakkakíkir (IP-tala skráð) 25.2.2013 kl. 10:29]

Fáum við þá ekki ódýra kjúklinga?

[G. Tómas Gunnarsson, 25.2.2013 kl. 11:00]

Það kann að vera að kjúklingar lækki eitthvað í verði.

Það er þó rétt að halda því til haga að í síðustu tölum sem ég sá frá Statískri skrifstofu "Sambandsins" , var matarkarfan á Íslandi ódýrari en matarkörfur "Sambandslandanna", Danmerkur og Svíþjóðar og karfn á Íslandi sé jafndýr og karfa Finnlands.

Sjá hér

Ennfremur kemur í ljós að séu bornir saman allir vöruflokkar og þjónusta sem borin er saman hjá "Sambandin", er heildin ódýrust á Íslandi.

Það má hins vegar lengi reyna að blekkja Íslendinga með samanburði við "meðalverð" innan "Sambandsins".  Skynsamir einstaklingar vita hins vegar hve lítið er að marka slíkan samanburð.