Þau stökkbreyttust ekki lánin á Spáni

Eitt af því sem stundum heyrist í umræðunni um "Sambandsaðild" er að húsnæðislán í eurolöndunum hafi ekki stökkbreyst eins og á Íslandi og enginn hafi misst húsnæði sitt þess vegna i Grikklandi.

Það er í sjálfu sér, eins langt og það nær, rétt.

Þau stökkbreyttust ekki lánin á Spáni.  En eins og sjá má í þessari frétt frá RUV, þýðir það ekki að allt sé í lukkunnar velstandi.

Lánin stökkbreyttust ekki.  En húsnæðisverð hrundi, vextir hækkuðu og þar með afborgunarbyrðin.  En það sem verra er þá stórjókst atvinnuleysi. 

Atvinnuleysi er nú í kringum 26% á Spáni, atvinnuleysi ungs fólks í kringum 60%.

Samhliða atvinnuleysinu lækkuðu laun þeirra sem þó héldu vinnunni og réttindi og bætur voru skert.

Og ekki sér fyrir endann á þeirri vegferð enn.

Þess vegna er búið að bera út 400.000 fjölskyldur í ibúðarhúsnæðii sínu á Spáni.

En lánin stökkbreyttust ekki.

En það sem breyttist ekki á Spáni var styrkur gjaldmiðilsins.  Hann hélst keikur.  Þeir sem áttu háar bankainnistæður höfðu þær í gjaldmiðli sem tapaði ekki verðmæti sínu.

Það eru heldur engin gjaldeyrishöft á Spáni.  Það gerði þeim sem áttu háar bankainnistæður kleyft að flytja fé sitt án nokkurra vandkvæða á reikninga í Sviss, fjárfesta í húsnæði í Bretlandi og Þýskalandi.

En það missti engin húsnæði sitt vegna stökkbreyttra lána.

En milljónir einstaklinga misstu vinnuna vegna þess að samkeppnishæfni Spánar glataðist með euroinu.  

Kynnt var í eina mestu húsnæðisbólu sem þekkst hefur, vegna þess að euroið bauð upp á lága vexti, raunar neikvæða.

Sama euroið og svipti Spán samkeppnishæfni sinni.

Nú er talað um að til séu u.þ.b. 2. milljónir auðra íbúða á Spáni.

Búið er að bera út 400.000 fjölskyldur.

En þeir sem áttu bankainnistæðurnar...

 

 

Athugasemdir

[Eggert Sigurbergsson, 18.2.2013 kl. 07:25]

Þetta er einmitt meginmunur á innri og ytri gengisfellingu, með innri gengisfellingu eru fjármagnseigendur "stikk frí". Leið Samfylkingarinnar er innri gengisfelling þar sem fjármagnseigendum verði hlíft við nauðsynlegri aðlögun hagkerfisins að áföllum hverju nafni sem nefnast allt í nafni ESB.

http://en.wikipedia.org/wiki/Internal_devaluation

http://en.wikipedia.org/wiki/External_devaluation

[Jón G Sveinsson (IP-tala skráð) 18.2.2013 kl. 14:55]

Vextir hafa ekki hækkað á íbúðarlánum á Spáni heldur lækkað. Líklega úr 6% niður í ca 3% frá árinu 2007.

[G. Tómas Gunnarsson, 18.2.2013 kl. 18:04]

Það er ekki hægt annað en að fagna því, ef vextir fara lækkandi á Spáni. 

Það má líka vera að ég hafi skrifað eilítið ónákvæmt um vextina. 

Það var í raun ekki að tala um vaxtahækkun í dag, enda voru hús ekki seld nauðungarsölu á síðasta ári vegna vanskila þá.  Það ferli tekur yfirleitt 2 til 4 ár.

En það var einmitt árið frá árinu 2005 til ca 2008 sem vextir því sem næst tvöfölduðust á Spáni.

Þetta var skrifað april 2008:

The root cause of the crisis is in a sense Europe's monetary union. The euro effect halved Spain's interest rates almost overnight. Rates then fell below Spain's inflation rate for several years, fuelling an explosive credit boom. The country's current account deficit has reached 10pc of GDP, the highest of any major economy.

The process has now kicked into reverse. Mortgage rates - priced off three-month Euribor - have nearly doubled since late 2005.

Sjá hér.

Þetta átti vissulega sinn þátt í því að margir Spánverjar lentu í vandræðum með afborganir, sem síðan endaði á þann sorglega hátt að sumir þeirra voru bornir út.

Atvinnuleysi, launalækkanir, bótamissir og skerðingar o.s.frv. spiluðu svo líka sína rullu.