Hverjir kaupa?

Það er vissulega eitt og annað sem ég skil ekki til fullnustu í Íslensku fjármálalífi, eitt af því er hverjir eru kaupendur af þessum krónu eða jöklabréfum.

Vissulega eru vextir góðir á Íslandi, en gengisáhættan vinnur þar á móti. Þetta er nú eitt af því sem ég segi þeim Kanadamönnum sem hafa áhuga á því að ávaxta peningana sína á Íslandi, þegar þeir heyra að þeir geti fengið yfir 12% vexti, aðeins með því að leggja peningina sína inn á bankabók.  Sambærilegir vextir hér eru um 3%.

En varla hafa þeir sem hafa átt krónubréf síðastliðið ár ávaxtað sitt pund.  En hverjir eru það sem hafa það mikla trú á krónunni að þeir eru að kaupa þessi bréf? 

Eða eru þetta það lágar upphæðir að þetta samsvarar því að leggja ofulítið á "rautt" og sjá til hvað gerist?

Eru einhversstaðar til upplýsingar um hverjir það eru sem eru að kaupa þessi bréf?  Ábendingar vel þegnar.

 

Alls hafa verið gefin út krónubréf fyrir 320 milljarða