Limra Þórunnar

Best að sýna að máli bjarndýrs ég veld
beint norður með einkavél held
Það þýðir ekki að hangsa
því ég bjarga ætla sko bangsa
en svo fékk ég þennan blóðrauða feld

Ísbjörninn að Hrauni dauður

Athugasemdir

[Gestur (IP-tala skráð) 17.6.2008 kl. 21:15]

Úff maður.... þetta var ódýrt kveðið

[G. Tómas Gunnarsson, 17.6.2008 kl. 21:19]

Hef nú aldrei litið á það sem ég hnoða saman sem annað en frekar ómerkilegan kveðskap.

Á hitt ber þó að líta að á þessum síðustu og verstu, er auðvitað "inn" að kveða ódýrt, enda allt "bruðl" og dýrir hlutir litnir hornauga á Íslandi.

[Gestur (IP-tala skráð) 17.6.2008 kl. 21:31]

Já. Einmitt. Til dæmis einkaflugferðirnar hjá hinum hátt settu ráðherrum okkar.

Þetta komment átti nú bara að verða til þess að æsa upp færsluhöfund en það tókst ekki og álykta ég svo að hann sé hinn rólegasti maður.

[G. Tómas Gunnarsson, 17.6.2008 kl. 23:42]

Ef ég stæði í því að æsa mig upp í hvert sinn sem einhver segði að ég væri ljótur, að ég væri leiðinlegur, að kveðskapur minn væri ódýr eða skoðanir mínar rangar, þá væri það alla vegna ljóst að ég hefði ekki tíma til að gera margt annað.

Og þó, eftir að ég flutti Westur um Heim, hefur tungumálið auðveldað lífið verulega.

Ég get þvi sem næst verið eins mikið fífl á Íslensku og ég kæri mig um.

[Jón Valur Jensson, 18.6.2008 kl. 00:37]

  Stælt var ekki Stefáns vörn,
  stoltið slappt á Skaga.
  Hræsluskoti' á hvítabjörn
  var hleypt sem fyrri daga.

[Jón Valur Jensson, 18.6.2008 kl. 00:38]

Hræðsluskoti, vitaskuld.

[bull (IP-tala skráð) 18.6.2008 kl. 14:24]

Þokkalega
þokast
þar til
þotuliðinu þrýtur þolinmæði og
þangað Þvælist
Þórunn þykka
þykknar þá í birnu og
þýtur af stað