Að ganga á guðsmanns vegum

Það er ekki skrýtið að Obama reyni að setja fjarlægð á milli sín og sóknarprests síns.  Yfirlýsingar sóknarprestsins hjálps Obama ekki baráttunni, hvorki nú í forkosningunum, eða síðar ef hann fer fram sem frambjóðandi democrata.

En er presturinn að segja eitthvað sem hann hefur ekki sagt áður?

Hefur ekki Obama setið undir ræðum þessa prests í u.þ.b. 20. ár?  Eða hefur hann aðeins verið hálfdottandi í kirkju á sunnudagsmorgnum?

Sjálfum þykir mér ekki ótrúlegt og í raun ekki óeðlilegt að einhverjir snúi baki við Obama fyrir vikið.  Bæði vegna þeirrar staðreyndar að trúmál spila stóra (og óþægilega að mínu mati) rullu í Bandarískum stjórnmálum.  Ég hef það einnig á tilfinningunni að margir þeir sem finnst að draga þurfi úr áhrifum kirkju í Bandarískum stjórnmálum styðji Obama, og þyki því óþægilegt þegar presturinn "hans" er svo yfirlíysingaglaður.

Sjálfur held ég að ég geti fullyrt að ef ég væri að velja á milli frambjóðenda (t.d. á Íslandi) þá myndi það ótvírætt virka neikvætt á mig ef frambjóðandi hefði sterk tengsl við "ofsatrúarsöfnuð".  Mín skoðun er einfaldlega að best sé að skýr skil séu á milli stjórnvalda og trúarsöfnuða.

Þetta breytir þó ekki þeirri skoðun minni að ég vil sjá Obama og McCain kljást um forsetaembættið.

Obama snýr baki við prestinum sínum

Athugasemdir

[Jóhann Helgason, 30.4.2008 kl. 19:08]

 'Eg vorkenni Obama greyinu þessi  sóknarprestur er alveg hræðilegur , Vá hann allgert illmenni og athyglis sjúkur ég er þér sammála  virka neikvætt á mig ef frambjóðandi hefði sterk tengsl við  svona "ofsatrúarsöfnuð".  þetta eyðlegur rosalega fyrir Obama mér finnst hann mjög efnilegur frambjóðendi.