Risinn gefst upp,

Það eru vissulega tíðindi þegar Wal-Mart dregur sig út af þriðja stærsta smásölumarkaði í heimi.  En það sannar enn og aftur að neytendur hafa síðasta orðið.  Ef verslanir ná ekki hylli þeirra, þá þurfa þær að pakka saman.  Stærstir í heimi, hefur enga þýðingu ef þýskir neytendur kunna ekki að meta verslanir þínar.

Wal-Mart hitti einfaldlega ekki í mark hjá þjóðverjum.  Hvað veldur get ég ekki útskýrt, en það verður ábyggilega verkefni hjá mörgum sprenglærðum markaðsfræðingum að kryfja til mergjar.

Hvort að Wal-Mart á eftir að snúa aftur til Þýskalands er ekki gott að segja, en vissulega þurfti Bónus tvær atrennur á Akureyri.  Snéru til baka í fyrsta skiptið.  Gamansamir heimamenn segja reyndar að þeir hafi ekki tekið Bónus í sátt fyrr en Jóhannes flutti norður, og Bónus varð þannig að nokkru leyti í eigu heimamanns, en það er önnur saga.

Þeir sem hafa áhuga á að lesa meira um uppgjöf Wal-Mart, bendi ég á grein á spiegel.de síðan í gær.

Wal-Mart flýr Þýskaland