Loftgæði, nagladekk og götuþvottur

Ég held að varla verði um að deilt að nagladekk slíta götunum meira en önnur dekk. 

Það er því æskilegt að dregið verði úr notkun þeirra eins og mögulegt er. Hitt er svo að hvaða marki það er mögulegt?

Sjálfur hef ég ekki ekið á nagladekkjum síðan áríð 2003, eftir minu besta minni.

Síðan þá hef ég ekið á snjódekkjum yfir "háveturinn" og svo yfirleitt "all season" þess á milli.

En auðvitað skiptir máli hvar er ekið, veðráttan þar og svo ekki síður hvort að snjóhreinsun og annað því um líkt sé eins og best verður á kosið.

Það vakti nokkra athygli mína í þessari frétt að loftgæði í Tallinn væru verulega betri en í Reykjavík.

Ég hef oft dvalið (og ekið) í Tallinn og bjó þar um all nokkra hríð.  Loftgæði þar geta verið misjöfn, þar er mikið af dísilbílum og mikið um að hús séu kynt upp með timburafurðum (dulítið misjöfnum að gæðum), jafnvel kolum og sorpi er þar brennt til rafmagnsframleiðsu og miðlægrar húshitunar (þess má til gamans geta að fyrrverandi forstjóri þeirrar orkustöðvar er núverandi forseti Eistlands).

Í Tallinn myndi ég álíta að meirihluti bíla sé ekið á nagladekkjum, en líklega í skemmri tíma en á Íslandi, í það minnsta flest ár.

En í viðtali lét aðstoðarborgarstjóri Tallinn hafa eftir sér í viðtali árið 2020:

"Deputy Mayor of Tallinn Kalle Klandorf (Center) said that driving with studded winter tires kicks up dust in the air and wears out the roads.

"We have measured the dust molecules and they are at quite a high limit even though we are washing the roads all the time. We have never showered the roads as much as we have this year. We are washing the streets every evening with water, and when the winter tires drive on it, then just as soon the dust is back there again," Klandorf said."

Ekki ætla ég að segja að þetta sé eina skýringin, en líklega all nokkur hluti.

Leyfilegur tími fyrir nagladekk er í Eistlandi frá 15.okt til 1. maí.

 

 

 

 

 

Reykjavík í 16. sæti yfir loftgæði

Athugasemdir

[Halldór Jónsson, 23.6.2021 kl. 10:39]

Þetta er mesta bullumræðan í gatnamálum sem til er.

Gunnar Birgisson lét steypa 14 cm slitlag við Smáralind um 2000. Á þessu sér varla slit eftir 20 ár. Þarafleiðandi ekkert svifryk. Ekkert viðhald eða endurmalbikun til að búa til svifryk.Miklu ódýrara í raun.

Í Kollafirði er 50 ára gömul steypa sem eiginlega sér ekkert á slit. Ekkert sviryk eða vuiðhald. Samt vilja allir malbika lag ofan á lag af því að það er svo fljótlegt.

Það er til vél, Gomaco 2500B skriðmótavél  uppi í Borgarnesi sem getur steypt hárnákvæmt. Hana má bara ekki nota af því að það er meira vesen. Og Gunnars Birgissonar nýtur ekki lengur við, hvað þá Ingólfs Jónssonar sem lét steypa vesturlandsveginn í Kollafjörð 1970. Nei það er bullað um nagladekk og svifryk sem er ekkert vandamál á steyptu slitlagi. 

[G. Tómas Gunnarsson, 23.6.2021 kl. 12:07]

@Halldór, þakka þér fyrir þetta.  Ég er enginn sérfræðingur í gatnagerðarefnum, en ég held að fáir efist um að steypan sé endingarbetri, en samt sem áður hefur nú malbikið orðið ofan á víðast um heim.  En auðvitað má segja að það sé tóm tjara.

Reyndar er það svo að víða þar sem ég fer, er einmitt notuð steypa - fyrir strætóstoppistöðvar, enda slíta þeir vegum mörg þúsundfalt á við venjulega fólksbíla.

Því má leyfa sér að álykta að þegar bæði fólksbílar og strætisvagnar verði rafknúnir, muni strætisvagnar slíta vegum (menga) margfallt meira per farþega en fólksbíllinn.

En mér fannst hins vegar merkilegt og þess virði að vekja athygli á því að í Tallinn, þar sem loftgæði eru mun meiri en í í Reykjavík, er notað malbik, þar er ekið á nagladekkjum, þar er mikið kynnt með viði, þar er sorpi brennt (í útjaðri borgarinnar), en þar eru göturnar þvegnar mikið og oft.

Hvort að það sé eina ástæðan fyrir betri loftgæðum ætla ég ekki að fullyrða um, en það skaðar örugglega ekki og þeir eru ekki að eyða peningum í slíkt út af engu.

Ég þekki ekkert til skriðmótavéla eða slíks, og þekki ekki mismun í kostnaði, hvað þá reiknað til lengri tíma með viðhaldi.

En slíkt væri auðvitað fróðlegt að sjá.