Píratar flaggskip stjórnarandstöðunnar?

Hún er býsna merkileg skoðanakönnunin sem birtist í Fréttablaðinu fyrir helgi. Þar eru Píratar orðinn annar stærsti flokkurinn og stærstur stjórnarandstöðuflokkanna.

Auðvitað ber að taka könnunum sem þessari með varúð, og "spotkönnun" sem þessa er varasamt að bera saman við kannanir eins og t.d. hjá Capacent sem eru teknar yfir lengri tíma.

En þrátt fyrir það er flest sem bendir til þess að Píratar séu að "trenda" núna. Að þeir séu einfaldlega í stórsókn, og að þeir geti hæglega orðið stærsti stjórnarandstöðuflokkurinn. Og þar með í lykilstöðu eftir kosningar.

En það er rétt að hafa í huga að slík staða hefur oft sést hjá nýlegum stjórnarandstöðuflokkum um mitt kjörtímabil, en ekki skilað sér í kosningum.

Vissulega myndi niðurstaða eins og þessi gefa möguleika á tveggja flokka stjórn Sjálfstæðisflokks og Pírata, en sú stjórn yrði veik og mjög ólíkleg. Næsta víst að Sjálfstæðisflokkurinn myndi ekki treysta á slíka stjórn.

En hitt væri líklegra að "Reykjavíkurmynstur" yrði ofan á, ef úrslitin yrðu eins og í þessari könnun.

Þá yrði myndum ríkisstjórn Pírata, Samfylkingar, Bjartrar framtíðar og VG.

Og yrði þá ekki forsætisráðherra Birgitta Jónsdóttir, reynslumesti þingmaður Pírata? (Að því gefnu að hún verði í framboði í næstu kosningum).

 

 

 

Athugasemdir

[Grímur (IP-tala skráð) 16.3.2015 kl. 19:34]

Er þett fylgi að mestu hjá þeim sem mest tuða og nöldra

en nenna svo ekki á kjörstað til að kjósa?

[G. Tómas Gunnarsson, 16.3.2015 kl. 21:00]

@Grímur Þakka þér fyrir. Ég held að það sé rétt hjá þér að Píratar hafa átt í nokkrum erfiðleikum með að "mobilisera" sitt fólk og drífa það á kjörstað. Það ber einnig að hafa í huga að það er ekki óþekkt að nýlegir flokkar skori hátt á miðju kjörtímabili, eð jafnvel síðar, en nái ekki að halda dampi fram að kosningum.

Þess vegna held ég að það sé ólíklegt að þeir sigli svo greiðan byr í kosningum, en ég hef fulla trú á því að þeir vinni verulega á, ef þeir halda rétt á spöðunum.

Á góðum degi gætu þeir hæglega orðið næst stærsti flokurinn, en enn er langt til kosninga.