Farið var fram á þjóðaratkvæðagreiðslu sumarið 2009

Það er ótrúlegt að að sjá "Sambandssinna" halda því fram að engar alvöru kröfur hafi verið uppi um að aðildarviðræður við ESB yrði hafnað eða samþykktar í þjóðaratkvæðagreiðslu.  Síðan er því sömuleiðis haldið fram að stór hluti Sjálfstæðismanna hafi þá verið samþykkir umsókninni, ef ekki í orði þá á borði.

 

Þetta er vægt til orða tekið skrýtin söguskoðun.

 

Lögð var fram breytingartillaga við þingsályktunina sem kvað á um að Alþingi fæli ríkisstjórninni að sækja um aðild að "Sambandinu".

 

Greidd voru atkvæði um hvort málið færi í þjóðaratkvæði eður ei og var tillagan felld með 32 atkvæðum gegn 30.

 

Viðhaft var nafnakall og nei sögðu:

 

Álfheiður Ingadóttir, Árni Páll Árnason, Árni Þór Sigurðsson, Ásta R. Jóhannesdóttir, Bjarkey

Gunnarsdóttir, Björgvin G. Sigurðsson, Guðbjartur Hannesson,Guðmundur Steingrímsson, Helgi Hjörvar, 

Jóhanna Sigurðardóttir, Jónína Rós Guðmundsdóttir, Katrín Jakobsdóttir, Katrín Júlíusdóttir, Kristján L.

Möller, Lilja Mósesdóttir,Magnús Orri Schram, Oddný G. Harðardóttir, Ólína Þorvarðardóttir, Róbert

Marshall, Sigmundur Ernir Rúnarsson, Sigríður Ingibjörg Ingadóttir, Siv Friðleifsdóttir,Skúli Helgason, 

Steingrímur J. Sigfússon, Steinunn Valdís Óskarsdóttir, Svandís Svavarsdóttir, Valgerður Bjarnadóttir, 

Þórunn Sveinbjarnardóttir, Þráinn Bertelsson,Þuríður Backman, Ögmundur Jónasson, Össur

Skarphéðinsson

 

Þarna má lesa nöfn margra þeirra sem hæst kalla á eftir þjóðaratkvæðagreiðslu nú.

 

Já sögðu:

 

 Atli Gíslason, Árni Johnsen, Ásbjörn Óttarsson, Ásmundur Einar Daðason, Birgir Ármannsson, Birgitta

Jónsdóttir, Bjarni Benediktsson, Einar K. Guðfinnsson,Eygló Harðardóttir, Guðfríður Lilja Grétarsdóttir, 

Guðlaugur Þór Þórðarson, Gunnar Bragi Sveinsson, Höskuldur Þórhallsson, Illugi Gunnarsson, Jón Bjarnason,

Jón Gunnarsson, Kristján Þór Júlíusson, Lilja Rafney Magnúsdóttir, Margrét Tryggvadóttir, Ólöf Nordal, 

Pétur H. Blöndal, Ragnheiður E. Árnadóttir,Ragnheiður Ríkharðsdóttir, Sigmundur Davíð Gunnlaugsson, 

Sigurður Ingi Jóhannsson, Tryggvi Þór Herbertsson, Unnur Brá Konráðsdóttir, Vigdís Hauksdóttir,

Þorgerður K. Gunnarsdóttir, Þór Saari

 

Þarna má sjá að allir þingmenn Sjálfstæðiflokksins greiddu atkvæði með þjóðaratkvæðagreiðslu, líka þeir sem hafa verið fylgjandi aðild að "Sambandinu" eins og Ragnheiður Ríkharðsdóttir og Þorgerður K. Gunnarsdóttir.

 

Birkir Jón Jónsson greiddi ekki atkvæði um þjóðaratkvæðagreiðslu.

 

Ragnheiður Ríkharðsdóttir greiddi síðan atkvæði með innöngu, en Þorgerður sat hjá.  Guðríður Lilja greiddi einnig atkvæði með þjóðaratkvæðagreiðslunni, en sat hjá við inngöngu.

 

Þingsályktunartillagan um inngöngu í Evrópusambandið var síðan samþykkt með 33 atkvæðum gegn 28.

 

Það sem var óþarfi að samþykkja í þjóðaratkvæðagreiðslu, ætti því ekki að þurfa þjóðaratkvæðagreiðslu til að draga til baka, eða hvað?

 

Að lokum má geta þess að um langa hríð hafa allar skoðanakannanir sýnt góðan meirihluta Íslendinga vera andsnúna því að ganga í "Sambandið". 

 

 

 

Athugasemdir

[Jón Steinar Ragnarsson, 26.2.2014 kl. 13:04]

Ástæða meira fylgis við þjoðaratkvæði nú samkvæmt skoðanakönnun er sú að nú hafa Evrópusinnar einróma viljað hana eftir að hafa hafnað henni ítrekað í skoðanakönnunum áður.

Annað merkilegt í Þessu öllu er að þetta fólk brigslar nú hæst um "kosningasvik" sjálfstæðisflokksins, sem kaus hann ekki. Þeir sem kusu hann hinsvegar telja sig ekki svikna að undanskildum örfáum esb sinnum í þessum hóp.

Esb sinnar í sjálfstæðisflokknum (8% að mig minnir) kusu samt tæplega sjálfstæðisflokkinn til að tryggja áframhaldandi viðræðulimbói. Ef svo væri, þá væri eitthvað verulega athugavert við rökhugsun þessa fólks.

Ég get ekki kvartað yfir tröllauknum kosningasvikum VG á síðasta kjörtímabili vegna þess að ég kaus það ekki, en með réttu þá gerðu VG kjósendur það og sendu skýr skilaboð í síðustu kosningum.

Þegar Samfylkingarkirkjan kvartar yfir svikum sjálfstæðisflokksins, er ekki annað að ætla en að þetta fólk hljóti að hafa kosið þann flokk, er það ekki?

[Ásthildur Cesil Þórðardóttir, 26.2.2014 kl. 13:21]

Það er með ólíkindum hvað fólk getur stundum verið blint, því miður.

[Jón Steinar Ragnarsson, 26.2.2014 kl. 13:32]

Það var reyndar lika lögð fram þingsályktun 2010 um þjóðaratkvæði um áframhald viðræðna. Það folk sem lætur hæst nú um samskonar kosningu, hafnaði henni þá.

Raunar hefur verið reynt að koma þessu máli í úrskurð þjóðarinnar með einum eða öðrum hætti i 15 skipti undanfarin ár.

[Ásthildur Cesil Þórðardóttir, 26.2.2014 kl. 13:50]

Einmitt, án árangurs.

[G. Tómas Gunnarsson, 26.2.2014 kl. 18:52]

Bestu þakkir fyrir innleggin, nú sem endranær. Það er augljóst að allt verður lagt í sölurnar, til að reyna að halda, þó ekki nema smá lífsanda í "Sambandsumsókninni".

Síðan, ef réttu aðilarnir eru við völd, og vísbendingar eru um að Íslendingar gætu í einhverju svartsýniskasti, sagt já við aðild, þá yrði "samningurinn" kláraður á met tíma. Ef fengist já, yrði "ekki þörf" fyrir frekari þjóðaratkvæðagreiðslur.

Þetta er margreynd áætlun.

En það er þörf fyrir að endurkalla umsóknina, ekki hvað síst vegna þess að ef einhvern tíma verður farið af stað aftur, verður það að vera betur undirbúin og -byggð umsókn en nú er í gangi.

Aðild að "Sambandinu" verður að njóta meirihlutastuðnings á Alþingi og á meðal þjóðarinnar. Ríkisstjórn í heild sinni verður að standa að baki hennar.

Að öðrum kosti er glórulaust að sækja um aðild.