Stóra FBI málið

Það er frekar eritt að átta sig á þessu máli.  Flest það sem fram hefur komið vekur fleiri spurningar en svör.

Hvers vegna skyldi einstaklingur gefa sig fram við Bandaríska sendiráðið, frekar en Íslensk lögregluyfirvöld? 

Hvað færi 2. ráðherra í ríkisstjórn til þess að grípa inn í rannsókn á hugsanlegu sakamáli og síðan fyrirskipa að samstarfi við erlenda lögreglu skuli hætt?

Hvers vegna hefur ráðherra svo miklar áhyggjur af því að Íslenskur ríkisborgari tali við FBI af fúsum og frjálsum vilja.

Ef marka má fréttir þá flaug umræddur einstaklingur með FBI til Bandaríkjanna af fúsum og frjálsum vilja.  Hafði þar nokkra daga samstarf við FBI og flaug síðan heim.

Er það eitthvað sem Íslensk stjórnvöld hafa áhyggjur af og vilja stöðva?

Hvers vegna gengur yfirlýsing ríkislögreglustjóra og ríkissaksóknara því sem næst þvert á yfirlýsingar ráðherra?

Hvaða Íslenskum hagsmunum (eða hagsmunum stjórnvalda) ógnaði FBI rannsóknin á Íslandi?  Hvað var óeðlilegt við hana?

Finnst öllum það sjálfsagt að ráðherrar grípi inn í störf lögreglu með þessum hætti?

Ráðherra skulda útskýringar á þessu máli.  Auðvitað ættu íslenskir blaðamenn að grafa til botns í þessu, en því miður er ekki hægt að vera bjartsýnn hvað það varðar.

Það er rétt að hafa í huga að þetta er ekki í fyrsta sinn á kjörtímabilinu sem virðist reynt að fela og breiða yfir mál sem tengist tölvunjósnum gagnvart Íslenskum stjórnvöldum. 

P.S.  Sorglegast af öllu finnst mér þegar gamla "kanagrýlu" hugsunarhátturinn fer á fullt og viðkomandi sér ekkert nema "ofríki" heimveldis og þar fram eftir götunum.  Svo vilja líka ýmsir benda staðalímynd FBI í málið.  Vondu löggurnar sem koma og taka yfir málið frá "small town sherrif".  Senda hann út í kuldann en hann hefur svo auðvitað rétt fyrir sér. 

 

Ögmundur vinnur að greinargerð um komu FBI

Athugasemdir

[Stefán Örn Valdimarsson (IP-tala skráð) 6.2.2013 kl. 13:53]

Gamli komminn Ömmi hefur fengið sjokk. Þá hafa einstaklingar innan hreyfingarinn fengið hland fyrir hjartað og hringt í Össur og hótað að hætta stuðningi við ríkisstjórnina.

[G. Tómas Gunnarsson, 6.2.2013 kl. 15:33]

Það er háalvarleg ásökun, að ráðherrar blandi sér í starfsemi lögreglu í þeim tilgangi að tryggja sér atkvæði á Alþingi.

Ég eiginlega trúi þvi ekki fyrr en ég sé það staðfest.

En hins vegar er málið að verða allt hið undarlegasta og eiginlega nauðsynlegt að ráðherrar séu krafnir almennilegra svara.