Verðbólga á Eurosvæðinu 0.3 til 3.6%

Ein af þeim röksemdum sem oft heyrast fyrir inngöngu Íslands í "Sambandið" og svo upptöku euros, er hve verðbólgan myndi lækka við slíkt.

Hún yrði sú sama að því sem næst og á Eurosvæðinu.  Síðan er gjarna birtur einfaldur útreikningur sem sýnir mun á verðbólgu á Íslandi og meðaltalsverðbólgu á Eurosvæðinu.

Þannig er verðbólga á Íslandi að mig minnir 5.1%, verðbólgan á Eurosvæðinu 2.2%, eins og kemur fram í fyrirsögn þeirrar fréttar sem þessi færsla er tengd við. 

Það er einfalt að reikna þetta út, munurinn er 2.9 prósentustig og munar um minna.  Það er meira en tvöföld verðbólga á Íslandi en á Eurosvæðinu.

Það eru vissulega til rök sem hníga í þá átt að verðbólga gæti lækkað á Íslandi við upptöku stærri og stöðugri myntar, en það er margt fleira sem þarf að hafa í huga.

Til dæmis er munurinn á verðbólgu innan Eurosvæðisins verulegur.  Þannig mun nú mælast 0.3% verðbólga í Grikklandi en 3.6% verðbólga í Eistlandi, þar sem hún er mest innan svæðisins.

Munurinn er 3.3. prósentustig.  Það er 12 sinnum meiri verðbólga í Eistlandi heldur en Grikklandi, þó að löndin noti bæði euro.

Hvað tryggir þá eða kemur í veg fyrir að verbólga geti ekki verið 0.3% í Grikklandi, 3.6% í Eistlandi og 5.1% á Íslandi, þó að öll löndin væru í "Sambandinu" og notuðu euroið?

Það gefst best að umgangast meðaltalsreikninga með varúð, þeir segja ekki alla söguna.

 

 

Verðbólgan á evrusvæðinu 2,2%

Athugasemdir

[Rafn Guðmundsson, 22.1.2013 kl. 15:07]

engin trygging en værum við ekki bara ánægð með 3,6% verðbólgu eða minni. og svo vita auðvitað allir sem vilja að það er ekki nóg að fá evru. margt annað er í esb sem okkur langar til að skoða.

[G. Tómas Gunnarsson, 22.1.2013 kl. 15:27]

Auðvitað væru Íslendingar líklega ánægðari með 3.6% verðbólgu en 5.1%.  Eistlendingar væru sömuleiðis líklega ánægðari með 2.2%, en 3.6%.

Ég er í sjálfu sér ekki viss um að Grikkir séu allt of ánægðir með 0.3%, en það er önnur saga.

En þetta sýnir hve mikill munur getur verið á verðbólgu innan Eurosvæðisins og að það er engin trygging fyrir því að verðbólgan myndi lækka.

Hún gæti allt eins staðið í stað, eða jafnvel hækkað.

3.3 prósentustig á milli hæstu og lægstu verðbólgu er umtalsvert.

Þetta sýnir líka hvað það getur gefið ranga mynd af  að bera saman meðaltalstölur á Eurosvæðinu við Ísland.   Samt er það mjög oft gert.

Eins þú segir spilar margt annað inn í, en mestu skiptir auðvitað efnahagsstjórn og þættir eins og t.d. kjarasamningar.