Ísland í dag, er það slúður og orðrómur?

Ég var að hlusta á Ísland í dag á netinu.  Þar ræddi Sölvi við Geir H. Haarde forsætisráðherra.

Þó nokkur hluti viðtalsins fór undir það að Sölvi slengdi fram "altöluðum" orðrómi eins og að forsvarsmenn lífeyrissjóða hefðu þegið mútur til að fjárfesta í fyrirtækjum.  Annað "altalað" sem bar á góma var að Ísland þyrfti ekki að borga krónu vegna IceSave, heldur væri búið að ganga frá því "bak við tjöldin" að Ísland borgaði ekki.  "Flash Gordon" hefði bara ekki getað bakkað opinberlega.

Er þetta Ísland í dag?  Er slúður að taka yfir fréttatengda þætti, eða heitir þetta "óstaðfestar fréttir"?

Ég held að það sé augljóst að hið opinbera þarf að taka upplýsingamál sín til gagngerrar endurskoðunar, ná forystu í umræðunni, þannig að upplýsingar séu umræðuefnið, en ekki slúður.

Athugasemdir

[Fannar frá Rifi, 23.12.2008 kl. 03:09]

það er ástæða útaf hverju maður skiptir um stöð klukkan 7 til að horfa á staðfestarfréttir.

[Héðinn Björnsson, 24.12.2008 kl. 02:06]

Það er slæmt ástand þegar fjöldapóstar og kjaftasögur eru bestu upplýsingar sem almenningi býðst en þegar valdhafarnir ljúga upp í opið geðið á manni er það engu að síður staðreyndin.