Glöggasta gestsaugað

Ég sá á Eyjunni að vitnað var í viðtal við forsetafrú Íslendinga, sem er víst birt í Morgunblaðinu.

Þar segir m.a:

Og forsetafrúin gagnrýnir efnishyggju Íslendinga: „Þjóðfélagið er orðið mun peningadrifnara og fólk er ekki eins meðvitað um arfleifð sína – það var svo ánægt með landið og stolt af sögu þjóðarinnar en gildin urðu óljósari og viku sumpart fyrir efnishyggjunni. Kannski er það augljósara þeim sem horfir gestsaugum á samfélagið.

Mig setti eiginlega hljóðan en hló við og velti því fyrir mér hvort að hún hefði sagt Ólafi frá þessarri niðurstöðu sinni.  Eða hvort hann væri úrtakið sem þessi glöggskyggna niðurstaða byggir á?

Athugasemdir

[Greta Björg Úlfsdóttir, 19.10.2008 kl. 17:23]

Ha, ha, það skyldi þó ekki vera.

Dorrit demantadrottning er sjálf sannkallaður demantur. Það sýnir sig best núna.

[Guðbjörn Guðbjörnsson, 19.10.2008 kl. 21:02]

Mér finnst Dorrit skemmtileg, en lifir hún ekki af því að selja þessu þotuliði skartgripi og það ekki af ódýrari sortinni?

Er hún ekki einnig eigandi stórra fasteigna í Lundúnum, sem hún leigir þotuliðinu?

Mér finnst gaman að hún - og þá vonandi Ólafur líka - eru farin að tala eins og alvöru vinstra fólk úr VG!

[Greta Björg Úlfsdóttir, 19.10.2008 kl. 21:14]

Dorrit er að sögn mjög klár bisnesskona - ekki verra að hafa slíka forsetafrú.

Enda er það örugglega ekki fyrir einhverja aukvisa í bisness að höndla með demanta.

[Stefanía, 20.10.2008 kl. 02:00]

Hún er....held ég....ekki öll þar sem hún er séð.

[Greta Björg Úlfsdóttir, 20.10.2008 kl. 03:37]

Mér kemur hún hins vegar fyrir sjónir sem mjög einlæg og hjartahlý kona, ekki hvað síst þessa dagana. Bendi á kvöldfréttir Stöðvar 2, þar sem hún talar um Ísland í viðtali við sjónvarpsstöð í Ísrael, þar talar hún máli Íslands á frábæran hátt.

Og mér fannst þess utan virkilega gaman að heyra hana tala hebreskuna!

[Ari Guðmar Hallgrímsson, 20.10.2008 kl. 08:14]

Getur ekki verið að efnhagur hennar byggist á ráðdeild og sparnaði, nokkuð sem við íslendingar getum ekki státað okkur af.

Er það einhver ljóður á ráði hennar að selja þeim sem eiga peninga.Snýst ekki bissnes um það.   Nei ég segi bara svona.

Kveðja

[Greta Björg Úlfsdóttir, 20.10.2008 kl. 11:46]

Tja, Ari, ráðdeils og sparnaði...má vera, alla vega útsjónasemi.

Sumir vilja kalla karl föður hennar glæpamann, saka hann um að hafa stolið fornminjum í Ísrael eftir seinna stríð og komið þeim í verð í Bretlandi og að á því byggist auður hans. - En það er hann, en ekki dóttir hans.

Wikipedia: Shlomo Moussaieff.

[Ólafur Þórðarson, 20.10.2008 kl. 14:41]

Sem sagt, ráðdeild, þá.

[Greta Björg Úlfsdóttir, 20.10.2008 kl. 14:51]

Yes. Það er víst það sama og útsjónasemi, við nánari umhugsun.