Dancing in the Kitchen

Ekki veit ég af hverju Foringinn er svona hrifinn af "Laginu um það sem er bannað", en það er klárlega efst á vinsældarlistanum þessa dagana. Jóhanna litla tekur svo danssporin með bróður sínum. Svona er lífið að Bjórá, dans og söngur, svo breytist það annað slagið í grát og gremju. Það er svo þegar börnin eru komin í háttinn sem hægist um og ofurlítið XO mýkir tilveruna.

Athugasemdir

[Friðjón R. Friðjónsson, 7.3.2008 kl. 15:59]

Þetta er bráðfyndið. Dóttir mín 4 og hálfs elskar lagið og hefur gert það frá því að hún heyrði það fyrst. Það var fyrsta setningin sem húkkaði hana.

Það er eitthvað við það að vera 4 og finnast það brjálæðislega fyndið að pissa bak við hurð.

Svo horfir hún beint í augun á mér og syngur af óþægilega mikilli innlifun "Þetta fullorðna fólk er svo skrítið, það er alltaf að skamma mann"

Mér líður þá eins og dæmdum manni... 

[G. Tómas Gunnarsson, 7.3.2008 kl. 17:34]

Jamm, Foringinn er einmitt 4. ára síðan í Janúar. Ef til vill er þetta bráðnauðsynlegt þrep í þróunarferlinu.  Eftil vill tengist þetta því að eiga yngra systkini og hafa það á tilfinningunni að fá í sinn hlut ósanngjarnan hlut af skömmum sem deilt er út á heimilinu......

Hitt er svo varla umdeilanlegt að fullorðið fólk er upp til hópa skrýtið.