Bæði góðar og slæmar fréttir

Það er að sjálfsögðu ekki jákvætt að vöruskiptajöfnuður sé neikvæður, en það þarf samt sem áður að líta á heildarmyndina.

Vissulega þyrftu Íslendingar að flytja út meira, og gott væri ef meira væri framleitt innanlands og minna flutt inn.

En inn í þessar tölur vantar t.d. ferðaþjónustu, sem er að stórum hluta "ígildi" útflutnings.  En til þess að sinna henni, ekki hvað síst nú þegar hún er í svo örum vexti, þarf að flytja inn margskonar varning.

Það þarf að flytja inn eldsneyti, áfengi, matvæli ýmiskonar, hreinlætisvörur, rúmföt og borðbúnað svo eitthvað sé nefnt.

Stóraukin fjárfesting skilar einnig  auknum halla á vöruskiptum.  Sem betur fer hefur fjárfesting verið að taka við sér á Íslandi, ekki eingöngu í ferðaþjónustu heldur einnig í sjávarútvegi og atvinnulífi almennt.

Því er það þannig að þó vissulega sé ekki æskilegt að halli sé á vöruskiptum, felur hann einnig í sér góðar fréttir.

11.8% samdráttur í verðmæti útfluttra sjávarafurða segir einnig sína sögu, og bendir á hve hverfull sá markaður getur verið og varasamt sé að hlaupa upp til handa og fóta með skattlagningu, þó að sjávarútvegur eigi góð ár.

 

 


mbl.is Hallinn nálgast 12 milljarða
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Geir Ágústsson

Heyr, heyr!

En þetta er vandmeðfarið.

(Útgjöld vegna aukins innflutnings á handsápu vegna fleiri ferðamanna) - (endurbætur á fiskveiðiskipi) < 0

Slæmt?

Niðurstaðan "11,7 milljarðar" er samansafn svo margra og óskyldra útgjalda/tekna að ég get ómögulega myndað mér skoðun á henni.

Hitt er ljóst að heimatilbúin aukning útgjalda er engum til góðs, ekki einu sinni náttúrunni:

http://andriki.is/post/98798492684

Geir Ágústsson, 30.9.2014 kl. 13:50

2 Smámynd: G. Tómas Gunnarsson

Það er í svo mörg horn að líta.  Samkvæmt þessari frétt á að innrétt (og byggja) 900 hótelherbergi við Hlemm.

Það þýðir væntanlega innflutning á 900 rúmum (vissulega möguleiki á innlendri framleiðslu, en ekki stór og þá þarf að flytja inn megnið af hráefninu), einhver þúsund ljós, 900 flatskjái, 900 símtæki, 900 skrifborð (eða svipað), mörg hundruð sturtuhausa, 900 vaska, 900 krana, einhver þúsund rúmföt, einhver þúsund glös, o.s.frv....

Þá erum við ekki byrjaðir að tala um rekstrarvörur.   Og þetta er að gerast um allt land.

Svo verðum við að krossleggja fingurnar og vona að ferðamannastraumurinn haldi áfram að skila tekjum og allt þetta borgi sig.

En einhversstaðar sá ég töluna 12.000 yfir þá ferðamenn sem að meðaltali væru staddir á Íslandi dag hvern (tek ekki ábyrgð á henni).  En það segir sig sjálft að það þarf verulegan innflutning til að þjónusta þennan fjölda.

Síðan kemur fjárfesting í öðrum atvinnugreinum, sem er sem betur fer að aukast.

G. Tómas Gunnarsson, 30.9.2014 kl. 15:19

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband