Bollulaus dagur

Sökum minnar alkunnu leti var enginn bolludagur hér að Bjórá í dag.  Þar sem hér í borg er ekki boðið upp á neinar bollur, og þar sem ég nennti ekki að baka, þá var hér bollulaust.  Ég kemst reyndar nokkuð "ódýrt" frá þeirri leti þar sem ég er sá eini á heimilinu sem þekkir þessa hefð, svona upp á Íslenskan máta.  Foringinn hefði ábyggilega krafist þess að fá bollu, eða alla vegna eclair, hefði hann þekkt hefðina.

Það sama verður upp á teningnum á morgun, hér verður ekkert saltkjet.  Saltkjet hef ég enda aldrei séð hér í verslunum.

Til að bæta mér og fjölskyldunni þetta aðeins upp steikti ég svínabóg og hafði í kvöldmatinn.  Stóran bóg með brakandi puru, sem ég reyndar sit einn að, þar sem enginn annar í fjölskyldunni finnst steikt svínskinn gott. 

Öskudagur þekkist ekki heldur, þannig að ekki get ég gert Foringjann út í búning til að verða okkur feðgum út um sælgæti á miðvikudaginn. 

En hann er heldur ekki mjög lúnkinn í söngnum.


« Síðasta færsla | Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband