Hafa laun Íslendinga rýrnað viðstöðulaust frá 1920?

Það er ótrúlegt að lesa það haft eftir Íslenskum stjórnmálaforingja að Íslensk laun hafi rýrnað viðstöðulaust frá árinu 1920.

 

Þannig tala aðeins kjánar eða þeir sem hug hafa á að blekkja þá sem lesa.

 

Sömuleiðis er fullyrðingin að Ísland sé eina landið í Evrópu sem ekki býr við stöðugan gjaldmiðil röng. Annað hvort er sá sem svo fullyrðir illa að sér eða hann er að reyna að blekkja lesendur.

 

Formaður stjórnmálaflokks sem svo talar gefur orðinu forystusauður nýja merkingu í mínum huga.

 

Sjá DV. 

Íslensk laun hafa rýrnað viðstöðulaust frá 1920

 

Sami stjórnmálamaður lét hafa eftir sér fyrir nokkrum árum að yfirlýsing um að stefnt væri að "Sambandsaðild" væri töfralausn við fjármálalegum óstöðugleika.

 

Það geta líklega allir dæmt um nú hvernig sú töfralausn reyndist.

 

P.S.  Það er hollt fyrir alla að ímynda sér hvernig fréttastofur og álitsgjafar myndu bregðast við ef einhver stjórnmálamaður úr ríkisstjórnarflokkunum hefði látið út úr sér þvílíka vitleysu. 

 

 

 

 

Þar sem bara má hallmæla Íslandi og krónunni

Þeir eru margir sem trúa því að ekkert geti gagnast Íslandi betur en að ganga í "Sambandið" og taka upp euro.

Á "tyllidögum" og á útisamkomum kalla þeir gjarna eftir "opnum og upplýstum" umræðum.

En þegar á reynir, eru "opnu og upplýstu" umræðurnar aðeins það sem lofsyngur "Sambandið" go euroið.

Þannig þótti mér t.d. þessi pistill eftir Guðbjörn Guðbjörnsson, vera full einhliða í fyrirlitningu sinni á krónunni og ákvað að setja inn eftirfarandi athugasemd:

 Tomas Gunnarsson

6.4 2014 @ 12:29 ...bíður samþykktar 

Frá 1990 til 2000 seig Þýska markið stórkostlega t.d. gagnvar US dollar, hvernig hefði það öðruvísi átt að vera?

 

Í apríl 1990 var Þýska markið u.þ.b. 70 cent, en 2000 var það komið undir 50.

 

Sjá t.d. hér: http://www.exchangerate.com/currency-charts/DEM/USD/from/April-06-1990/to/April-07-2000

 

Þó hélt því engin fram að Þýska markið væri ónýt mynt, enda hefði það ekki verið rétt.

 

Nú má segja að Þýskaland „sígengisfelli“ mynt sína með því að tengja hana við Grikkland, Ítalíu, Portugal og fleiri ríki.

 

Með þeim tekst þeim m.a. að „flytja“ atvinnuleysi sitt út og styrkja samkeppnisstöðu Þýsks iðnaðar og framleiðslu.

 

En það hefur margt gott verið gert í Þýskalandi á undanförnum áratugum og þeir tóku vel til hendinni í kerfinu hjá sér, með Harz og öðrum umbótum.

 

En hver skyldi svo kaupmáttaraukningin hafa verið í Þýskalandi undanfarin ár?

 

Frá 1990 hafa laun nokkurn vegin staðið í stað, en t.d. á milli 2004 og 2008 lækkuðu raunlaun í Þýskalandi. Nokkuð sem var nokkurn vegin einsdæmi í heiminum á þeim almennu þennslutímum.

 

sjá t.d. hér: http://www.diw.de/documents/publikationen/73/diw_01.c.342371.de/diw_wr_2009-28.pdf

Auðvitað bíður slík athugasemd samþykktar, þó að aðrar hafi birst síðar.

Þannig vill hún oft verða "opna og upplýsta" umræðan sem "Sambandssinnarnir" þykjast kalla eftir. Í raun má oft aðeins hallmæla Íslandi og krónunni.